» » Rusiyalı deputat: "Yeni təşkilat yaratmaq, bu işə hüquqi baxımdan çox diqqətlə yanaşmaq lazımdır"

Rusiyalı deputat: "Yeni təşkilat yaratmaq, bu işə hüquqi baxımdan çox diqqətlə yanaşmaq lazımdır"

Rusiya-Azərbaycan Parlamentlərarası Dostluq Qrupunun rəhbəri, RF Dövlət Dumasının deputatı Dmitri Savelyev RF Ali Məhkəməsinin Ümumrusiya Azərbaycanlılar Konqresinin (ÜAK) bağlanması haqqında qərarını şərh edib.
Deputat qeyd edib ki, mayın 15-də RF Ali Məhkəməsinin qərarı ilə Ümumrusiya Azərbaycanlılar Konqresi ləğv edilib. D.Savelyev deyib: ”Bu, olduqca xoşagəlməz vəziyyətdir. Şübhəsiz, keyfiyyətli apellyasiya hazırlamaq imkanlarını axtarmaq və bu qərara məhkəmə qaydasında etiraz etmək lazımdır. Bir halda ki, məsələ məhkəməyə çatıb, onda bu konkret vəziyyəti məhz Rusiya qanunvericiliyi çərçivəsində həll etmək lazımdır. Lakin mən bir məqamı qeyd etmək istərdim: ölkələrimiz və vətəndaşlarımız arasında qarşılıqlı münasibətlər çox yüksək dəyərdir. İllər boyu, onilliklər, əsrlər boyu qurduğumuz və qoruyub saxladığımız münasibətlər bu lokal vəziyyətdə zərər çəkməməlidir. Hesab edirəm ki, əgər bu vəziyyəti düzəltmək mümkün olmasa, yeni təşkilat yaratmaq, bu işə çox diqqətlə yanaşmaq və Rusiyada azərbaycanlıların ictimai birliyinin fəaliyyətini tam həcmdə bərpa etmək lazımdır. Əminəm ki, həm Rusiyanın, həm də Azərbaycanın bütün vətəndaşları nizamlanmış və keyfiyyətli iş istəyirlər, çünki xalqlarımız arasında dostluq bizim hamımız üçün baza dəyəri olaraq qalır”.

Rusiyalı deputat: "Yeni təşkilat yaratmaq, bu işə hüquqi baxımdan çox diqqətlə yanaşmaq lazımdır"
Fəridə Abdullayeva
AZƏRTAC-ın xüsusi müxbiri

Mənbə:http://azertag.az/xeber/Rusiyali_deputat_Yeni_teskilat_yaratmaq_bu_ise_huquqi_baximdan_chox_diqqetle_yanasmaq_lazimdir-

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz