» » Azərbaycanın Birinci vitse-prezidenti Mehriban Əliyeva İ.M.Seçenov adına Birinci Moskva Dövlət Tibb Universitetinin rektoru ilə görüşüb

Azərbaycanın Birinci vitse-prezidenti Mehriban Əliyeva İ.M.Seçenov adına Birinci Moskva Dövlət Tibb Universitetinin rektoru ilə görüşüb

Müəllif: Dəyanət от 18-04-2017, 18:30
 

Azərbaycanın Birinci vitse-prezidenti Mehriban Əliyeva İ.M.Seçenov adına Birinci Moskva Dövlət Tibb Universitetinin rektoru ilə görüşüb

 

Azərbaycan Respublikasının Birinci vitse-prezidenti xanım Mehriban Əliyeva aprelin 18-də İ.M.Seçenov adına Birinci Moskva Dövlət Tibb Universitetinin rektoru Pyotr Qlıboçko ilə görüşüb.
AZƏRTAC xəbər verir ki, Pyotr Qlıboçkonu salamlayan Azərbaycanın Birinci vitse-prezidenti Mehriban Əliyeva İ.M.Seçenov adına Birinci Moskva Dövlət Tibb Universiteti ilə qurulan əməkdaşlıqdan, bu təhsil ocağının Bakıdakı filialının fəaliyyətindən danışdı, filialin yaradılması ilə bağlı layihənin çox uğurlu olduğunu dedi.
Son illərdə ölkəmizin səhiyyə sistemində mühüm işlərin görüldüyünü, bu sahədə böyük nailiyyətlərin əldə olunduğunu vurğulayan Azərbaycanın Birinci vitse-prezidenti bildirdi ki, indi əsas vəzifə səhiyyə sistemində çalışanların peşəkarlığını daha da artırmaqdır. Mehriban Əliyeva bu baxımdan İ.M.Seçenov adına Birinci Moskva Dövlət Tibb Universitetinin Bakı filialının fəaliyyətinin əhəmiyyətinə toxundu və burada təhsil alan tələbələrin gələcəkdə Azərbaycanın səhiyyə sisteminə töhfələr verəcəyinə əminliyini ifadə etdi.
"Təhsil və səhiyyə bütün ölkələrdə prioritet sahələrdir”, - deyən Azərbaycanın Birinci vitse-prezidenti ölkəmizdə bu sahələrə göstərilən dövlət qayğısını vurğuladı. Bu gün Azərbaycanda dünyanın aparıcı ali təhsil ocaqlarının filiallarının fəaliyyət göstərdiyini qeyd edən Mehriban Əliyeva İ.M.Seçenov adına Birinci Moskva Dövlət Tibb Universiteti ilə əməkdaşlığı genişləndirmək üçün yaxşı perspektivlərin olduğunu bildirdi.
Birinci Moskva Dövlət Tibb Universitetinin rektoru Pyotr Qlıboçko Azərbaycanın Birinci vitse-prezidenti ilə görüşməkdən məmnun olduğunu vurğuladı, bu ali təhsil ocağının Bakı filialının fəaliyyətinə verdiyi qiymətə görə minnətdarlığını bildirdi. Universitetin nüfuzlu professor və müəllim heyətinin Bakıdakı filialda tələbələrə dərs keçdiyini deyən Pyotr Qlıboçko filialda olduğunu, tələbələrlə görüşdüyünü və onların burada təhsil almaqdan məmnun qaldıqlarını diqqətə çatdırdı. Rektor bildirdi ki, İ.M.Seçenov adına Birinci Moskva Dövlət Tibb Universitetinin Bakı filialının çox müasir maddi-texniki bazası var. Pyotr Qlıboçko filialda III kursdan VI kursadək təhsil alan tələbələrin universitetdə strukturlaşmış imtahan verəcəklərini və bunun tələbələrin peşəkarlığının artırılması üçün böyük əhəmiyyət daşıdığını qeyd etdi.
Sonda qonaq Birinci vitse-prezident xanım Mehriban Əliyevaya xatirə hədiyyəsi təqdim etdi.

Mənbə:http://azertag.az/xeber/Azerbaycanin_Birinci_vitse_prezidenti_Mehriban_Aliyeva_IMSechenov_adina_Birinci_Moskva_Dovlet_Tibb_Universitetinin_rektoru_ile_gorusub-1052387

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz
SitatCavab
  • Qurup: Təsisçi
  • Qeydiyyat: 12.09.2016
  • Status: offline
  • Şərhləri: 58
  • Məqalələri: 871
^
Qadın nəinki evdə, evdən kilometrlərlə, saatlarla-günlərlə ayrı-düşdüyümüz zaman-məsafə ayrılığında 1-ci aradığımız dəstək, ümid, gəldiyimiz yolla bizi geri qaytaran mühafiz, evimizi, ailəmizi hifz edən Zərif Qüdrət.
Onlar ən böyük peşəsi analıq olan qadınlıq statusuna ictimai-siyasi fəaliyyətləri ilə yeni məzmun və mahiyyət gətirmişlər.
Qadın – ağıllı, uzaqgörən məsləhətləri ilə ərinin yaxın məsləhətçisi və silahdaşı;
Qadın – yaradıcı, incəsənət xadimi;
Qadın – qəhrəman, sərkərdə;
Qadın – Millət vəkili.
Qadın – diplomt, ictimai xadim;
Bizim xalq istər qəhrəman , istərsə də dövlət xadimi olmuş Möminə xatın, Zahidə xatın, Mehrican xatın, Taclı Bəyim, Tuti Bikə, müasir dövrümüzdə isə Azərbaycanın Birinci vitse-prezidenti Mehriban xanım Əliyeva kimi ağıllı qadınları ilə hər zaman öyünmüşdür və bu gün də öyünür.
Mehriban xanım Əliyeva bu gün dünyanın qəbul etdiyi məşhur Qadln və siyasi xadimdir. Onun istər beynəlxalq aləmdə, istərsə də ölkəmizdə gördüyü işlər hamımıza məlumdur və göz qabağındadır.
Xalqımızın rifahı və Sülh naminə gərgin fəaliyyətinizdə Mehriban xanıma tükənməz enerji, cansağlığı və uzun ömür arzulayırıq.
  • Нравится
  • 0