Bu xeyirli və nadir meyvə 100 ildən çoxdur ki, Vyetnamda, eləcə də dünyanın bir çox bölgəsində : Kamboca, Tailand, Kolumbiya, Ekvador və İsraildə yetişdirilir. Artıq Türkiyədə də yetişdirilməkdədir.
İngilis dilində bu meyvə "draqun fruit” adlandırılır.
Əslində, söz şərq ölkələrindəki mənalardan yaranıb: çin dilində "od əjdaha meyvəsi" və "əjdaha ləl-cəvahiratı meyvəsi", vyetnam dilində "yaşıl əjdaha", İndoneziyada isə "əjdaha meyvəsi" olaraq adlandırılır və s..
Əjdaha meyvəsinin ("PITAHAYA") dənəsi 11-16 manatdır. Meyvəyə bu gün Almaniya, İngiltərə, Fransa və Hollandiyada böyük maraq və ehtiyac var.
Əsasən, dondurma istehsalı, salat və dərman sanayelərində istifadə olunan bu qəribə meyvəni ağırlığı 300 qramdan bir kiloya qədər ola bilir. Tropik, sitrus meyvələri və eləcə də tərəvəz istehsalına alternativ məhsul olaraq seçilir.
Yüksək antioksidant və liposom tərkibli bu meyvə lif baxımından da çox zəngindir.
Pitaya ağacı kaktuskimilərdən olub yetişdirilməsi çox diqqət və zəhmət istəyən bir meyvədir.
Müxtəlif rəngdə olurlar. Bu fərqlər, əsasən, meyvə kəsildiyi zaman ortaya çıxan iç rəngindən bilinir.
Meyvənin qida üstünlüklərindən savayı, müalicəvi təsirləri də onu dəyərli edir:
Tərkibində olan qida və minerallar etibarilə gözlərin görmə qüvvəsini artırır, təzyiqi nizamlayır. Əjdər meyvəsində bolluca C vitamini, kalium, kalsium, maqnezium və lif vardır.
Tərkibindəki kalsium sümüklər üçün çox faydalıdır. Orqanizmin rütubət nisbətini nizamlayır. Diabet xəstələri üçün olduqca xeyirli bir meyvədir.