» » Azərbaycanın Milli Qəhrəmanı İsrafil Şahverdiyevi ehtiramla andıq

Azərbaycanın Milli Qəhrəmanı İsrafil Şahverdiyevi ehtiramla andıq


Azərbaycanın Milli Qəhrəmanı  İsrafil  Şahverdiyevi ehtiramla andıqBu gün Azərbaycanın Milli Qəhrəmanı İsrafil Şahverdi oğlu Şahverdiyevin doğum günüdür.
İsrafil Şahverdiyev 11 iyun 1952-ci ildə Laçın rayonunun Unannovu kəndində anadan olmuşdur. 1959-1969-cu illərdə Unannovu kənd orta məktəbində təhsil almışdır. 1971-1974-cü illərdə hərbi xidmətdə olmuşdur. 1975-ci ildə Laçın rayon Daxili İşlər Şöbəsində milis nəfəri kimi əmək fəaliyyətinə başlamışdır.
Erməni yaraqlıları torpaqlarımıza hücum edərkən İsrafil Şahverdiyev ilk günlərdən torpaqlarımızın müdafiəsinə qalxmışdı. Qaladərəsi kəndində iki erməni kəşfiyyatçını ələ keçirmişdi. Şəhid jurnalist Salatın Əsgərovanın qatillərinin ələ keçməsində onun rolu böyük idi.
1991-ci ildə Qala dərəsi kəndinin azad edilməsi üçün plan hazırlandı. Gecədən səhərə qədər davam edən qanlı döyüşdə erməni işğalçıları ağır itkilər verərək geri çəkildilər. İsrafil 1992-ci il 19 sentyabrdan 17 noyabra qədər Hoçaz qayası və Hoçaz kəndi uğrunda gedən qanlı döyüşlərdə iştirak etmiş və onlarla erməni silahlısını məhv etmişdir.
6 yanvar 1994-cü ildə Füzuli rayonunun kəndlərini azad etmək üçün İsrafilin rotası xüsusi ilə fərqlənmişdir . Bu əməliyyat nəticəsində Horadiz qəsəbəsi və 22 kənd azad edilmişdir. Cəsur komandirin son döyüşü 13 yanvar 1994-cü ildə olmuşdur. Bir neçə istiqamətdən hücuma keçən rotada ölən və yaralananlar olduğundan döyüşçü dostlarını xilas edən İsrafil özü pulemyotun arxasına keçmişdir. Şiddətli döyüş zamanı qarşı tərəfdən açılan güllə qəhrəmanın həyatına son qoymuşdur..
İsrafil ŞahverdiyevinBakı şəhərinin Şəhidlər xiyabanında dəfn edilib.
Azərbaycan Respublikasının suverenliyinin və ərazi bütövlüyünün qorunmasında, Vətən torpaqlarının erməni işğalçılarından müdafiə edilməsində gedən döyüşlərdə şəxsi igidlik və şücaətə, öz müqəddəs əsgəri və xidməti borcunun şərəflə yerinə yetirilməsindəki misilsiz xidmətlərinə görə Azərbaycan Respublikası Prezidentinin 15 yanvar 1995-ci il tarixli 262 saylı fərmanı ilə Şahverdiyev İsrafil Şahverdi oğluna (ölümündən sonra) Azərbaycanın Milli Qəhrəmanı adı verilmişdir.
Laçın rayonundakı məktəblərdən biri İsrafil Şahverdiyevin adını daşıyır.
 

Azərbaycanın Milli Qəhrəmanı  İsrafil  Şahverdiyevi ehtiramla andıq

 

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz