» » Tarixdə bu gün - 31 yanvar

Tarixdə bu gün - 31 yanvar

Müəllif: Vüsal от 31-01-2017, 00:15
31 yanvar

Mühüm hadisələr:

1902 –Şamaxı şəhərində güclü zəlzələ böyük dağıntı və tələfat (yüzlərlə insan) törədib, əhalinin əksəriyyəti şəhəri tərk etməli olub.

Doğum günləri:

1879 - Məşhur satirik şair Səməd Mənsur Bakının Əmircan kəndində doğulub.
"Molla Nəsrəddin", "Şeypur", "Bəsirət" və s. jurnallarda şeirləri dərc edilib Milli teatr tariximizdə xidmətləri olub.
1907-ci ildə Bakıda təsis edilən "Səfa” cəmiyyətinin (1907-1918) yaradıcısı, cəmiyyətin nəzdindəki teatr üçün pyeslər yazıb, tərcümələr edib.
Səməd Kazımov 1927-ci ildə vəfat etmişdir.

Tarixdə bu gün - 31 yanvar

1884 – Azərbaycan Xalq Cümhuriyyətinin qurucularından biri, görkəmli ictimai-siyasi xadim Məhəmməd Əmin Rəsulzadə Bakının Novxanı kəndində anadan olub.
Rəsulzadə 1904-ci ildə "Müsəlman sosial-demokrat "Hümmət” təşkilatının qurucularından olub.
1908-ci ildə İrana gedərək Məşrutə inqilabında iştirak edib. İnqilabın məğlubiyyətindən sonra (1911) Türkiyəyə gedib.
1913-cü ildə çarın elan etdiyi amnistiyadan sonra Bakıya qayıdıb və "Hümmət”in əsasında yaradılan "Müsavat” partiyasına rəhbərlik edib.

Tarixdə bu gün - 31 yanvar
M.Ə.Rəsulzadə 1918-ci ildə Zaqafqaziya Seymində Azərbaycan fraksiyasına rəhbərlik edib. Həmin il mayın 27-də Seymin azərbaycanlı deputatları M.Ə.Rəsulzadənin sədrliyi ilə Azərbaycan Milli Şurasını yaradıblar, 28 mayda Xalq Cümhuriyyəti elan olunub.
Cümhuriyyətin süqutundan sonra Rəsulzadə Moskvaya aparılıb, bir müddət orada yaşadıqdan sonra mühacirətə gedib.
1922-ci ildən Türkiyədə, 30-40-cı illərdə Avropada Azərbaycan siyasi mühacirətinə rəhbərlik edib. 1947-ci ildə Türkiyəyə qayıdıb.
1955-ci ildə Türkiyədə vəfat edib. Qəbri Ankaranın Əsri məzarlığındadır.

1915 – Tanınmış aktrisa, Xalq artisti Vera Karlovna Şirye anadan olub. Uzun illər Azərbaycan Dövlət Rus Dram Teatrında çalışıb.
2003-cü ildə vəfat etmişdir.

Tarixdə bu gün - 31 yanvar

1924 - Əməkdar incəsənət xadimi, şair Əli Tudə (Əli Əliqulu oğlu Cavadzadə) anadan olub.
Əli Tudə 1996-cı idə vəfat etmişdir.

Tarixdə bu gün - 31 yanvar

1948 - Azərbaycanın Xalq artisti Mübariz Tağıyev İrəvan şəhərində anadan olub.
Bakıda Rəşid Behbudovun rəhbərliyi ilə Mahnı Teatrında solist kimi çalışıb. 1985-ci ildən Azərbaycan Dövlət Teleradio Komitəsində Rafiq Babayevin rəhbərliyi ilə Estrada-simfonik orkestrinin solisti vəzifəsində işləyib.

 

Tarixdə bu gün - 31 yanvar

Vəfat etmişdir:

1963 -
Görkəmli aktyor, SSRİ Xalq artisti Ələsgər Hacıağa oğlu Ələkbərov vəfat edtmişdir. Teatr tamaşalarında ("Vaqif” - S.Vurğun, "Otello” - V.Şekspir və s.), kinoda ("Fətəli xan”, "Qara daşlar”, "Uzaq sahillərdə”, "Böyük dayaq”) unudulmaz obrazlar yaradıb.
Məşhur sənət ustası 1963-cü ildə vəfat etmişdir.
 

 

 

Tarixdə bu gün - 31 yanvar 

1986 – Məşhur neftçi, Sosialist Əməyi Qəhrəmanı, Azərbaycan Dövlət mükafatı laureatı İsrafil Sami oğlu Vasif Hüseynov Bakı şəhərində vəfat etmişdir.
İsrafil Hüseynov dekabr 1931-ci ildə Gəncə şəhərində anadan olmuşdur.
Əmək fəaliyyətinə 1957-ci ildə "Gürgan-neft»" Mədənlər İdarəsində başlamışdır. 1965 ildən qazma ustası işləmişdir. 1980 ildən Azərbaycan Neft və Qaz Sənayesi İşçiləri Həmkarlar İttifaqı Respublika Komitəsinin sədri, Sovet Sülhü Müdafiə Komitəsi sədrinin müavini, SSRİ Ali Sovetinin (9-10-cu çağırış) deputatı, Azərbaycan Kommunist Partiyası 29-cu, Sovet İKP 25-ci qurultaylarının nümayəndəsi olmuşdur. "Azərbaycan neft ustas", "SSRİ fəxri neftçisi" fəxri adlarına layiq görülmüşdür. 
İ.Hüseynov briqadası, açıq dənizdə işləyərək ölkə praktikasında ilk dəfə olaraq 1531 saylı quyunu nəzərdə tutulduğundan 69 gün əvvəl təhvil vermişdir (2040 m). Quyunun kommersiya sürəti plana görə 290,5 m/dəz-ay, normaya görə 365,9 olsa da 496,9 m/dəz-ay təşkil etdi. Bu maili qazmada Avropa rekordu idi.
Görkəmli qazma ustasının adı ilə Xəzərdə yeni neft rayonunun mənimsənilməsi bağlıdır. Məhz burada Neft Daşlarının bir neçə kilometrliyində, Xəzərin dərinliyində tikilmiş stasionar platformalarda İsrafil Hüseynovun briqadası uğurla ilk quyuları qazmışdır. Hazırda fəaliyyətdə olan 28 May adına yatağın işlənməsinin əsasını İ.Hüseynovun briqadası qoymuşdur.

Tarixdə bu gün - 31 yanvar

1992 - Azərbaycanın Milli Qəhrəmanı Xəlilbəyli Təbriz Xəlil Rza oğlu vəfat etmişdir. Təbriz 12 fevral 1964-cü ildə Bakı şəhərində dünyaya göz açmışdır.
Xəlilbəyli Təbriz 1991-ci ilin sonunda könüllü olaraq cəbhəyə yollandı. Xromord və Naxçıvanik kəndləri uğrunda gedən döyüşlərdə o, qəhrəmanlıq nümunəsi göstərdi. Döyüş şücaətinə görə DİN-nin "Boz qurd" mükafatına layiq görülüb.
31 yanvar  1992-ci ildə  Təbriz Xəlilbəyli  Vətən uğrunda döyüşlərdə qəhrəmancasına həlak oldu.

Tarixdə bu gün - 31 yanvar 

2016 — Əməkdar elm xadimi, Azərbaycan Milli Elmlər Akademiyası Rəyasət Heyətinin üzvü, AMEA-nın akademiki olmuş Cəlal Əlirza oğlu Əliyev Bakı şəhərində vəfat etmişdir.
Cəlal Əliyev 1928-ci il iyunun 30-da Naxçıvan şəhərində anadan olmuşdur. Naxçıvan Dövlət Müəllimlər İnstitutunun təbiət-coğrafiya fakültəsini və Azərbaycan Dövlət Universitetinin biologiya fakültəsini bitirmişdir.
Azərbaycan Milli Elmlər Akademiyasının həqiqi üzvü, Rusiya Kənd Təsərrüfatı Elmləri Akademiyasının həqiqi üzvü, Ukrayna Aqrar Elmlər Akademiyasının və Belarus Kənd Təsərrüfatı Elmləri Akademiyasının xarici üzvüdür. Onlarca monoqrafiyanın, kitabın və elmi məqalənin müəllifi idi.
1948-ci ildən Azərbaycan Dövlət Universitetinin bitki fiziologiyası kafedrasında laborant işləmişdir. 1954-cü ildən Azərbaycan EA-nın Elmi Tədqiqat Əkinçilik İnstitutunda kiçik elmi işçi, baş elmi işçi, laboratoriya müdiri vəzifələrində çalışmışdır. 1971–1990-cı illərdə Azərbaycan EA-nın Botanika İnstitutunda fotosintezin fiziologiyası yaradıcı qrupunun rəhbəri, laboratoriya müdiri, şöbə müdiri, Azərbaycan EA-nın Biologiya elmləri bölməsinin akademik-katibi olmuşdur.
Azərbaycan MEA-nın Rəyasət Heyətinin üzvü idi.
Yeni Azərbaycan Partiyası Siyasi Şurasının üzvü, I-III çağırış Azərbaycan Respublikası Milli Məclisinin deputatı olmuşdur.
2010-cu il noyabrın 7-də 62 saylı Saatlı seçki dairəsindən yenidən Azərbaycan Respublikası Milli Məclisinin deputat seçilmişdir. Azərbaycan-Almaniya Federativ Respublikası parlamentlərarası əlaqələr üzrə işçi qrupunun rəhbəri olmuşdur.

 Tarixdə bu gün - 31 yanvar

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz