» » Payız-qış mövsümünə hazırıq deyirik, amma hazırıqmı?

Payız-qış mövsümünə hazırıq deyirik, amma hazırıqmı?

Payız-qış mövsümünə    hazırıq deyirik, amma hazırıqmı?

 

Eşitmişəm idarədə qalırsan

Üç gecədir!

Yaramaz belə.

Muğayat ol özündən

Adamlar necədir?

Xəstələnən yoxdur ki?

Plan dövlət qanunudur –

bilirsən özün.

Ancaq, adamsız nə plan, nə dolum!

Adamlarda olsun gözün.

 

Rəsul Rza

 

ayon 96 nömrəli MİS-nin xidmət etdiyi ərazidə insanların çoxlu problemləri var. Bu problemlər həll edilmir, müraciətlərə məhəl qoyulmur, müxtəlif formatlarda şikayətlərin qarşısı alınır. Səyyar görüşlərdə insanlar onları narahat edən məsələlər haqqında şikayət edəndə yazılı müraciət etməyi tövsiyə edirlər. Müraciət hazırlamaq, sakinlərə imza etdirmək, məktubu göndərmək xeyli vaxt aparır və ötür-ötür oyunu başlayır.

2018.10.19-cu ildə Xətai rayonunda 9 ayın sosial-iqtisadi inkişafının yekunlarına və qarşıda duran vəzifələrə həsr olunan hesabat yığıncağında bildirilib ki, qarşıdakı payız-qış mövsümü ilə bağlı əhalinin enerji daşıyıcıları, su və istiliklə fasiləsiz təminatının vəziyyətini xüsusi nəzarətdə saxlanılır. Bəs, əslində vəziyyət necədir?

Bu gün - noyabrın 6-sı səhər qalxdıq ki, qaz kəsilib. Bir ildə neçə dəfə kəsilmə, fasilə ola bilər axı?
Yanvar ayından indiyə kimi, 15 dəfə qazın verilməsində fasilə kəsilmə olub: 17 və 19 yanvarda, 28 fevralda, 28 martda, 13 və 20 apreldə, 10 və 18 iyulda, 16 avqustda, 13, 15, 27 və 28 sentyabrda, 19 oktyabrda və bu gün- 6 noyabrda. Bunlar mənim bilib qeyd etdiyim tarixlərdir,Olsun ki, daha bir neçə dəfə də kəsilmə olub. Bəzi hallarda mətbuatda bunun hansısa qəza və ya texniki yenilənmə ilə əlaqədar olduğunu bildiriblər. Əgər belədirsə, onda gərək növbəti müddətlərdə qazın keyfiyyəti daha yaxşılaşsın, daha etibarlı olsun. Bir balaca hava soyudumu, qaz olduqca zəifləyir.

Bu qədər də qəza ola bilməz axı: kütləvi hala dönüb.
Artıq havalar soyumağa başlayıb.Panel divarlar arasında bu soyuqluq laqeydlik soyuğu ilə adamları bir qədər də tez üşüdür.

Payız-qış mövsümünə    hazırıq deyirik, amma hazırıqmı?

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz