» » Cəmilə, 3 yaşın mübarək

Cəmilə, 3 yaşın mübarək

 
 

Cəmilə, 3 yaşın mübarək 

 

Cəmilə nəvəmin ad günüdür. Axşam kompüterdə məşğul ikən, çiçi donunu geyinib, bantını bağlayıb, saçı uzun Suray xanım, boynu uzun Buray xanım kimi mənə yaxınlaşır. Deyir ki, baba, sabah mənim ad günümdür. Əlimi saxlayıb çevrilirəm. Əyilib gözlərindən bəxtəvərlik paylaşdığı sevincin içinə girmək istəyirəm. Allah, Allah, bu anın rəssamı, memarı uşağın özündən başqa daha kim ola bilər ki?.... Dünyada elə təbii duyğular var ki, insan oğlu bunların ancaq qrafik təsvirinə ayrılır, o da ani. Ayaq saxlayıb düşünmür ki, bu məqam eyni ölçüdə, eyni biçidə, eyni tamda qalmayacaq, həmişə qalmayacaq. Çili şairi Pablo Neruda bunu bir qədər də pafoslu ifadə edib:"İnsan əli çatmayan hər şeyin dəlisi, əli çatan hər şeyin isə nankorudur". Haqlı deyilmi? Haqlı olmasaydı, hər gün müharibələr səbəbindən nə qədər belə duyğular torpağa gömülməzdi. Nə qədər uşaq qəhqəhələri, uşaq oyunları bitməmiş qalmazdı.
...Ukraynada gedən müharibəni izləyirik. Bu səhnələr bizə vizual olaraq, həm də ağrı baxımından yaxındır. Qarabağ, Zəngəzur ağılarımızn sızıntıları hələ çəkilməyib ki ruhumuzdan, canımızdan Bir çəlimsiz vücudun özündən qat-qat cüssəli adama bəxş edə bildiyi mənəvi həzzə də baxın, bu dırnaq arasında əmilərin, dayıların onlara göstərdiyi qol gücünə də.
Bu gün nəvəmin ad günüdür. İnanın ürəkdən sevinə, fərəh haqqımı uda bilmirəm. Hüseyn Arifin amalı hamımızn amalı olmalıdır:
 
Neynim, bundan özgə yol tanımıram,
İstər yeddi yerə böl, tanımıram.
Dəniz tanımıram, göl tanımıram,
Bir körpə gözünün yaşından böyük.
 
Nə vaxtsa oxumuşdum ki, Allah insanları naşükür olduqlarına görə cəzalandarıb: çörək qıtlığı yaranıb. Amma sonra heyvanlara görə, ruzini Yerə  təkrar bəxş edib. Həmişə düşünürəm ki,  bəlkə,  dünyamızı da Allah elə uşaqlara görə hifz edir. Böyüklər bunu heç qafalarına sığışdırırlarmı heç olmazsa, ayda-ildə bircə kərə. İnanmıram. Dünyanı uşaqlara verək deyib, onların həyatına son qoyur, oyunlarını, oyun yerlərini əllərindən alır böyüklər. Yerin təkində nə qədər vaxtsız-vədəsiz torpağa gömdürülmüş uşaq məsumluqları var... Gərək olmasın belə. Ədəbiyyat, Sənət silkinib ayılsın...İnsanları öz əlləri ilə öz evlərini yıxan müqəssirlər olmasından ancaq maarifləndirmə yolu ilə xilas etmək olar. Silah, iqtisadi güc yenə zora aparır. Siyasətin zor gücü ilə davamı isə dağıdılmış kəndlər-şəhərlər, beşikdə, anasının bətnində, qucağında öldürülmüş uşaqlar deməkdir... Dünya bizim ümumi evimiz, körpələr də mənəvi sərvətimizdir. Onları ancaq ümumi səylərimizlə xilas edə bilərik.
Balamın ad günündə harda uşaq var, onların yanındayam. Dünyada nə qədər bir-birlərindən şirin, pak, müqədədəs uşaqlar var, onda mənim nəvələrim də xoşbəxtdir.  dünyanın bütün uşaqları bu gün , elə hər zaman Cəmilədir, Həcərdir, Akifdir, Cabirdir, Mərvədi, Səmradır... Allah qorusun hər birinizi.
Hər biriniz , Cəmilə balam da Sizin aranızda,  bu gün evimizin, dünyamızın and-amanısısınız.. Allah dünyamızı salamat etsin. Ölüm-itim olmasın. Evlərimiz-ocaqlarımız hər zaman körpə gülüşləri ilə əhatələnsin. Həm də özümüz dünyada olmayanda da.... 

 

Cəmilə, 3 yaşın mübarək

 

Cəmilə, 3 yaşın mübarək


Cəmilə, 3 yaşın mübarək

 

Cəmilə, 3 yaşın mübarək


Cəmilə, 3 yaşın mübarək

Cəmilə, 3 yaşın mübarək


Cəmilə, 3 yaşın mübarək

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz
İnformasiya
Qonaq qrupunda olanlar istifadəçilər bu Xəbəra şərh əlavə edə bilməz.