» » Bir az təbəssüm, amma bir az da düşünək

Şərhlər:

Şərh Yaz
SitatCavab
  • Qurup: Təsisçi
  • Qeydiyyat: 12.09.2016
  • Status: online
  • Şərhləri: 75
  • Məqalələri: 979
^

Nüsrət Kəsəmənli - Yoxdursa
Göz yaşını axıtmağa dəyərmi,
Sonunda bir güləcəyi yoxdursa.
Hər görüşə sevgi demə, əzizim,
Əgər onun gələcəyi yoxdursa.
Sevgi yoxsa, ürək quru qəfəsdir,
Kor ümidə nə qərəzdi, nə qəsdir?
Min yol geri çağırmağın əbəsdir,
Əgər geri dönəcəyin yoxdursa.
Hər kül altda gizlənənə köz demə,
Hər xatirə qırığına iz demə,
Hər ürəkdən kövrək nəğmə gözləmə,
Sarı simdə dinəcəyi yoxdursa.
Oda salsan, buz bağlayıb donacaq,
Eldən uçdu, yad budağa qonacaq,
Könül versən, nə qiymətə alacaq?
Könül qədri biləcəyi yoxdursa.
Ucaltdığın kiçiləndə görəsən,
Əriyərsən gözün görə-görə sən,
Süfrəsinə nə qoyacaq görəsən,
Səndən tikə böləcəyi yoxdursa.
Demə mənə, nələr gəldi ağlıma
Vay onda ki, qara səndən ağ uma.
Ürəksizə ürək verib ağlama,
Bir gün sənsiz öləcəyi yoxdursa...
  • Нравится
  • 0