Heç bilmirəm bu pulları necə adlandırım: sadəcə, şəkilmi, yoxsa, "etibarsız” pullarmı?

 Küçədə, yolda, yəqin ki, hamının qarşısına çıxıb. Üstünə "etibarsızdır ” sözləri yazılmış 1,5, 10, 20, 50, 100,200 manatlıqlar haqqında danışmaq istəyirəm.  Təbii ki, onlar heç bir  əməliyyat vasitəsi ola bilməz, etibarsızdır deyə.  Amma milli pul vahidimizə bizim belə laqeyd  qalmağımız həqiqi etibarsızlıqdır. Bir insanın ay ərzində  ay ərzində hər səhər evdən çıxıb işə getməsi, axşama kimi əmək sərf etməsi və ayın sonunda zəhməti müqabilində  əməkhaqqı kimi  qazanacağı pulların surətini çıxarıb ayaqlar altına, zibilliyə atmaq uşaqlarda pulun funksiyasına, onun  yaratdığı təsəvvürlərə  tamam əks münasibət formalaşdıra bilər. Uşaqlara pulun həyatımızdakı yerinə, onu qazanan valideynlərinin, əmilərin-dayıların əməyinə  hörmət etməyi aşılamaq lazımdır, nəinki, onu oyun elementinə çevirmək.

 Uşaqlar üçün  maraq yaratmaq istəsələr də, bu icadları ilə böyükləri də yumoristik vəziyyətə salıblar. Şəxsən, mən bir qədər yaşlı adamın belə kağızları həqiqi pul zənn edib əyilib yerdən götürməsini,  "etibarsızdır” olduğunu bilincə kimsə görməsin deyə, yavaşca əlindən salıb oradan uzaqlaşdığına rast gəlmişəm.

Bu saqqızlarda futbolçuların,  həmçinin digər şou məhurlarının şəkilləri olan  kartlar da   olur.

Məhəllədə  5 uşaqla qarşılaşsan dördündə bu kağızlardan var: blokların  başına,  pilləkənlərin yanına cəm olub özlərinin icad etdiyi oyunu oynayırlar. Onlar bu kartları və ya pulları  səliqə ilə üst-üstə yığır, sonra növbə ilə əllərinin ovucları ilə üstündən vururlar.Kart və ya pul çevrilirsə,  vuran uşaq udmuş sayılır və oyunu davam etdirir.Ta çevirə bilməyənə qədər.Çevirə bilməyəndə  oyun növbəti oyunçuya  keçir.

Pis vərdişlərdir. Uşaqları gələcəkdə qumar oyununa sürükləyə bilər.Bir qədər xatakar uşaq olsa,  axşama salıb, bu pulları  ətrafda  olan köşklərdə alver edən  yaşlı adamlara  verib "etibarlı” etmək cəhdləri ola bilər və s.

Hardasa bu  pulların  əksini çıxaranlar getdikcə təkmilləşib, onu gerçək pullara  yaxınlaşdırmaq təşəbbüsünə düşə bilərlər və s.