» » Xalq artisti Oqtay Rəcəbovun yubileyinə həsr olunan tədbir keçiriləcək

Xalq artisti Oqtay Rəcəbovun yubileyinə həsr olunan tədbir keçiriləcək

Müəllif: Vüsal от 2-10-2016, 01:00
Oktyabrın 7-də M.Maqomayev adına Azərbaycan Dövlət Filarmoniyasında görkəmli bəstəkar, Xalq Artisti, professor Oqtay Rəcəbovun 75 illik yubileyinə həsr olunan tədbir keçiriləcək.
AZƏRTAC xəbər verir ki, Mədəniyyət və Turizm Nazirliyi və Azərbaycan Bəstəkarlar İttifaqının təşkilatçılığı ilə keçiriləcək tədbirdə respublikanın tanınmış elm, mədəniyyət və incəsənət xadimləri iştirak edəcəklər. Gecədə sənətkarın həyat və yaradıcılığı ilə yanaşı, Azərbaycan musiqi mədəniyyətinin inkişafındakı xidmətlərindən, sənət fəaliyyətindən danışılacaq.
Musiqi mədəniyyəti tarixində müstəsna xidmətləri olan bəstəkar "Göyçək Fatma” cizgi film-operası, "Xeyir və Şər” uşaq operası, 4 saylı simfoniya, simli orkestr üçün 5 saylı simfoniya, "Əlin cibində olsun” musiqili komediyalarının müəllifidir. O, həmçinin "Ağ atlı oğlan”, "Vüsal günləri” filmlərinə bəstələnmiş musiqinin müəllifi kimi də tanınır. Bundan əlavə, O. Rəcəbov "Musiqi və mənəvi tərbiyə”, rus dilində birinci və ikinci siniflər üçün yazılmış "Musiqi” dərsliklərinin və digər məqalə və kitabların müəllifidir.

Xalq artisti Oqtay Rəcəbovun yubileyinə həsr olunan tədbir keçiriləcək  

Mənbə:http://azertag.az/xeber/Xalq_Artisti_Oqtay_Recebovun_yubileyine_hesr_olunan_tedbir_kechirilecek-997837

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz