Böyük və yaxud kişikyaşlılar olsun, fərqi yoxdur, bu gün insanların televiziya, kompüter, planşet kimi aidivizual vasitələrə ayırdıqları vaxt getdikcə daha böyüyür. Keçmişdə belə vasitələr yalnız televiziya ekranları idisə, bu gün kompüter, tablet və telefon kimi rəqəmsal cihazlarımız həyatımızda önəmli yer tutur. Belə vasitələr bir tərəfdən insanların həyatını maraqlı edirsə, insanların intellektallığını inkişaf etdirirsə, bir tərəfdən də onların səhhəti üçün problemlər də yaradır, xüsusilə də uşaqlar üçün. Narahatçılıq doğuran ciddi amil də budur ki, yaşlı insanlar məsələnin mahiyyətini dərk edib internetdən istifadəni nizamlaya bilirlər, amma uşaqlar bunun fərqində olmur, açıq və gizli şəraitdə internetə, vizual oyunlara hədsiz meyl edirlər.
Bu, həm ailələr üçün, həm də cəmiyyət üçün psixoloji, sağlamlıq və sosial problemlər yaradır. Ona görə də, istər valideynlər, istərsə də məktəb virtual dünyanın gerçək dünyanın qarşısına çıxmasına mane olmaq üçün tədbirlər görməlidirlər.
Antalya Tibb Mərkəzi Uşaq sağlamlığı və xəstəlikləri şöbəsinin həkimi Əli S. uşaqlar ekran qarşısında çox əyləşmələrinin zərərləri və eləcə də bu müddətin qədəri haqqında faydalı tövsiyələr vermişdir.
Uşaqların həyatında oyunlar qida və su kimi təbii bir zərurətdir. Uşaq oyun oynayaraq dünyaya baxır, dünyanı kəş edir, sosial və bilik bacarıqlarını inkişaf etdirir. Sərbəst, həm də pulsuz olan belə oyunlar uşaqları kütəvi şəkildə özünə cəlb edir. Nəticədə təbiətdə açıq havadakı oyunlarını ekran oyunları ilə əvəzləyən uşaqların hərəkətləri məhdudlaşır, yüksək kalorili qidalar qəbul edən uşaqlar artıq çəki qazanır və kökəlməyə başlayırlar. Bu isə onları gələcək həyatlarında bir çox sağlamlıq problemləri ilə qarşı-qarşıya qoyur.

Davamlı olaraq ekrana məruz qalan uşaqlar buna getdikcə uyğunlaşır, getdikcə ekran, oyun olmadan rahat ola bilmir. Hətta uşaqlar yuxu vaxtlarından da ekrana vaxt ayırmalı olur, buna heç əhəmiyyət vermirlər də. Yuxu isə uşaqların sağlamlığı üçün ən ilkin şərtlərdən biridir. Təbiətlə təması, yuxunu uşaqların əlindən alan ekran asılılığı uşaqların inkişafına getdikcə zərər verir.
Digər bir ciddi problem də budur ki, bu oyunlar məzmununa görə daha çox döyüş üsulları, avtomobil yarışları mövzusunda olur. Uşaqlar belə hərəkətləri bir müddət sonra özlərinə model olaraq götürürlər.


-0-3 yaşlı uşaqlar mümkün qədər ekrandan uzaq -tutulmalıdır;
-3-6 yaşlı uşaqlar gündə 20-30 dəqiqə;
-6-9 yaşlı uşaqlar gündə 40-50 dəqiqə;
-9-12 yaşlı uşaqlar gündə 60-70 dəqiqə;
-12 yaşdan yuxarı olan uşaqlar gündə 120 dəqiqə ekrana baxa bilərlər.