» » Azərbaycanın gənc istedadları Qəbələ festivalının tamaşaçılarına unudulmaz anlar yaşadıb

Azərbaycanın gənc istedadları Qəbələ festivalının tamaşaçılarına unudulmaz anlar yaşadıb

"Ana və Uşaq" AZƏRTAC-a istinadən bildirir ki, avqustun 2-də IX Qəbələ Beynəlxalq Musiqi Festivalı çərçivəsində təşkil olunan növbəti kamera konserti maraqlı ifalarla yadda qalıb.
Azərbaycanın gənc musiqiçiləri - bir sıra beynəlxalq müsabiqələrin laureatı, adı Azərbaycanın gənc istedadlarının "Qızıl kitabı”na daxil edilən, Prezident təqaüdçüsü, hazırda İtaliyanın Ozimo şəhərində təhsil alan Məhərrəm Hüseynov (bariton), İtaliyanın Milan şəhərindəki "La Scala” Akademiyasında təhsilini davam etdirən Azər Rzazadə (tenor), "La Scala” Akademiyasının uşaq xorunun üzvü olan 9 yaşlı italiyalı Canluicci Sartori (tenor) və Y.Obraztsova adına Beynəlxalq Musiqi Akademiyasının solisti Elnarə Məmmədova (soprano) S.Raxmaninov, C.Puccini, G.Hendel, A.Məlikov, A.Zeynallı və F.Bədəlbəylinin unudulmaz əsərlərini ifa ediblər.
Musiqiçiləri pianoda beynəlxalq müsabiqələrin qalibi, Bratislava Musiqi və İfaçılıq Sənəti Universitetinin məzunu Müşfiq Quliyev müşayiət edib.
Tamaşaçılara unudulmaz anlar yaşadan konsert alqışlarla qarşılanıb.

Azərbaycanın gənc istedadları Qəbələ festivalının tamaşaçılarına unudulmaz anlar yaşadıb

Mənbə:http://azertag.az/xeber/Azerbaycanin_genc_istedadlari_Qebele_festivalinin_tamasachilarina_unudulmaz_anlar_yasadib-

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz