» » H.Heyne: “Biz amal uğrunda çarpışırıq, qəzetlər də bizim qalalarımızdır” – XIV yazı

H.Heyne: “Biz amal uğrunda çarpışırıq, qəzetlər də bizim qalalarımızdır” – XIV yazı

 

H.Heyne: “Biz amal uğrunda çarpışırıq, qəzetlər də bizim qalalarımızdır” – XIV yazı

Azərbaycanlı  bir xanımın    sosial şəbəkələrdə     əndazəyə sığmayan  təklifi yer almışdı.  Xanım yazmışdı ki, onunla  ailə qurmaq  istəyən şəxs gərək əvvəlcədən   onun  indi yaşadığı firavanlıqdan daha   firavan yaşadacağını sübut etməlidir...

 Biri ekranda ər axtarır,  biri gənc qadının ayaqlarına yıxılır ki,   lazım  gəlsə, onun üçün ailəsini də atar.    

  Bax,  bizim ailə-sevgi  dəyərləri belə alt-üst edilir. Aşınmalara  məruz  qalır. Ay qardaşlar, siz hara aparırsınız bu cəmiyyəti?

 Axı belə həyat   xoşbəxtlik, qadın səadəti demək deyil.  Lap üzüyünün qaşı firuzədən olsun, dəyəri milyonlarla ölçülsün, yenə səadət    bu deyil. Ailə səadəti, qadınlıq səadəti tarixən  bizə dəd-babalardan qalmış   dəyərlərdədir. Sahib çıxa bilməsək,   günahkar yenə   özümüz  olacağıq.

Biz ideoloji mübarizəmizi  mütləq  A-dan Z-yə  yenidən qurmalıyıq. Avropadan  maşın və texnologiyalar  gətirə bilərik, amma onların  həyat  tərzi  bizi   simasızlığa doğru aparır. Biz ata-babalardan  miras qalmış öz modelimizi yaşatmalıyıq. Mətbuatın, ədəbiyyatın,  sənətin  vəzifəsi bu olmalıdır.

 Bütün ictimai məzmunlu yazılar  insanların əlindən tutub  mənəvi gözəlliklərə  bələdçilik etməlidir,   əza   həzzinə  yox.  40-50 il bundan əvvəl  necə gözəl dəyərlərimiz, ailə-qohumluq  münasibətlərimiz vardı, məclisdə, ictimai yerlərdə davranış tərzimiz vardı, getdikcə qeyb olur.  Mətbuat, televiziya bunu görmürmü?

 Özəl kanallar  aktual bir  problemi   müzakirəyə çıxarıb onu müfəssəl aydınlanmalarla   müzakirə edə bilmir. Çünki   əksər verilişləri aparanların peşəkarlıqları yoxdur,   Televiziyadan peşəkarlarımızı uzaqlaşdırıb efiri, ekranı veriblər belələrinin ixtiyarına.  Beynəlxalq Universitetin jurnalistika fakültəsini qurtarandan söhbət getmir ha. Şou verilişləri aparırlar, amma  bir də görürsən,  layihələrinin ampulasından çıxıb xlestakovçuluq   etməyə başlayırlar.  Yerlərdə bu qədər sosial problemlər var,   gedin çıxarın üzə və   hər qaldırdığınız problemin həllinə nail oluncaya qədər  laqeyd  məmurlardan əl çəkməyin.  Amma bunlar  ən yaxşı halda,  bir dəfə göstərib, digərlərini səsəkəyə salırlar, vəssalam. Özlərini  reytinqləndirirlər.

 Mətbuat, televiziya   bu gün izləyicisinin, oxucusunun intellektual səviyyəsindən geridə qalıb. Oxucusunun, izləyicisinin görə , eşidə bildiyi   nədənlərin etiologiyasını incələyib orytaya qoya bilmir,  başı şou mövzuları ilə qatır.  Ona görə də   gündəlik həyatımızda əxlaq, davranış tərzindəki   eybəcərliklərdən, şikəstliklərdən qaynaqlanan   hadisələr   daha üstünlük təşkil edilir.  Cəmiyyətin  davamlılığın zəmanəti olan  ailə  kimi   zəruri bir institutun  gündə bir kərpici sökülür,   pozulan nikahların  sayı artır,  nikahdankənar doğulan uşaqlar, azyaşlıların dünyaya   övlad gətirməsi,   yeni doğulmuş körpələrin  küçələrə atılması,   təcavüz  hadisələri,    ailə tərəfləri arasındakı xəyanətlər utanc  hadisələr  ciddi   qınaq,  təhdid  olmayan bir mühitdəki kimi şaxələnməkdədir.

 Son günlər  iki qazinin həbsi ilə bağlı  məlumat verildi.  Bir  qazi  döyüşlərdə yaralanıb, 3 medala layiq görülüb. Bu döyüşlərə qədər    etdiyi hüquqpozma  əməlinə görə indi məsuliyyətə cəlb olunub, həbs  edilib. Digər həbs edilən hərbçimiz isə  mayor Kazımov Ziya Məhəddin oğludur: 19 il müddətində Azərbaycan Silahlı Qüvvələrinin tərkibində xüsusitəyinatlı, snayper və kəşfiyyatçı komandir kimi qüsursuz xidmət edib. Hadruta ilk daxil olan həmlə taborunun komandiridir. 7 medalla təltif olunub. Bu,  Ali  Baş komandanın böyük Zəfərlə    məntiqləşmiş hərb strategiyasından tamam uzaq  bir yanaşmadır.Cənab Prezident bütün  çıxışlarında  hərbçilərimizə böyük hörmət və etimadını ifadə edir. Belə  insanları həbs etmək olarmı?  Cəmiyyətin bu məsələlərə münasibətini bilirsinizmi, onların narahatçılıqlarına  son qoyan  münasibət niyə yoxdur ?

 Bütün bu məsələlər  dövlətimizin  nüfuzun   zərbə vurmadan  həllini tapmalıdır. Həm qanunun  aliyi  əsas götürülməlidir, həm də  bu alilikdə  xalqın  inamı, etimadı sarsılmamalıdır.

 

Mətbuat, televiziya  maariflədiricilik   vəzifəsini yerinə yetirməklə bərabər  cəmiyyətdə, insanlar arasında  mövcud olan fikir və baxışları öyrəməli, ümumiləşdirməli,  dövlətiçiliyimizin ali maraqlarını   qorumaqla cəmiyyəti bu dəyərlərə bağlamalıdırlar. Dövlət və xalq arasındakı   bağlılığa   əngəl ola  bilən   hansısa hallar,  problemlər varsa, bunu  aidiyyətin qurumların  diqqətinə çatdırmalı və tam  həllinə qədər qələmi və sözü ilə mübarizəsini davam etdirməlidir. Başqa sözlə, mətbuat  qanuna və ümumi mənafeyə zidd hərəkətlər, mənfi meyillər, səhv  baxışlar  görürsə, eşidirsə, bilirsə,  bunları doğru yönləndirməli, dövlətin mövqeyini   bildirməli,   buna  təşviq etməli, xalqın vəkili  olmaqla dövlətçiliyimizin  qorunmasına xidmət  etməlidir.

Ən  pis dövlət belə,  dövlətsizlikdən  yaxşıdır. Bir ailənin hüdudlarında  kiçik dövləti idarə etmək nə qədər çətindirsə,  10 milyndan artıq əhalisi olan   bir ölkəni idarə etmək, ondan  da qat-qat çətindir. Bu mövzuda biz   əvvəllər də yazmışıq. Bu yazımız isə   daha bir silsilə yazı oldu.Feysbuk səhfəsində də hər zaman məni narahat edən problemlər,   yanlış mövqelər barəsində həmişə fikir bildirmişəm.

 Bütün bunlar daha çox cəmiyyət arasında  fəaliyyətləri  heç də birmənalı qarşılanmayan  mətbuat,  bəzi özəl kanallar, internet  televiziyaları barədə olub.  Amma   mən ittiham etmək, mövcud nailiyyətləri arxa plana keçirmək   məqsədilə   heç vaxt düşünmədim,  heç vaxt yazmadım.

 Cəmiyyətdə   müşahidə etdiyim  və   fəal vətəndaş mövqeyi bildirmək istədiyim  məsələlər olub, bunları  ictimailəşdirmək istəmişəm ki,  hansı məsələyə  kimlərin  məsul olduğu   bilinsin  və bu məslələrin öz ölkəmizdə, öz qanunlarımız  əhatəsində həll  təmin edilsin.

 Cənab İlham Əliyevin  illərdir apardığı    siyasətin diapozuna  fikir verin, hamısı   qlobal  dünyada   ciddi rezonans doğurmuş   Beynəlxalq  layihələr, Əməkdaşlıq  müqavilələri, Protokollar və s. Bütün dünya İlham Əliyevin liderlik   məharətindən danışır.

  Bəs necə ola bilər ki, öz ölkəmizdə məmurlardan narazı düşmüş  insanlar yolları bağlasınlar,  binanın yuxarı mərtəbəsindən atmağa cəhd  etsinlər;  Milli Məclisin,  nazirlik, komitə və   digər yüksək qurumların qarşısında toplaşınlar, qarşıdurmalar  baş versin və s.    bunlar olmamalıdır. Olmaması üçün isə  hər məmur cənab Prezidentin kursuna sədaqətlə xidmət etməlidir.

Hesab edin ki, bunların heç biri baş vermir. Kiçik istisnalarla ölkədə  əmin-amanlıqdır,  bu cür hadisələrin heç biri  baş vermir, demokratiya, aşkarlıq  tam  bərpa  olunub. Hər kəs öz vətəndaşlıq borçunu  yerinə yetirir, məmurlar da Prezidentin tapşırdığı kimi  xalqın qulluğunda.  Görün,  onda   bizim  ölkənin  uğurları necə möhtəşəm olar. Prezident İlham Əliyev  dünya siyasət  meydanında  daha  ötkəm olar.

Bu sarıdan   camiyyətdə mövcud problemlərin aşkarlanması,  neqativ meyillərə qarşı   sözün, qələmin mübarizəsi  hər zaman  vacibdir.

Cənab İlham Əliyev 21 iyul 2015-ci ildə Milli Mətbuatın yaradılmasının 140 illiyi münasibətilə Mətbuat Şurasının İdarə Heyətinin üzvləri ilə görüşündə demişdir:

 

H.Heyne: “Biz amal uğrunda çarpışırıq, qəzetlər də bizim qalalarımızdır” – XIV yazı

 

…Bizim mətbuatımız ölkədə gedən müxtəlif proseslərlə bağlı operativ məlumat verir. Onu da qeyd etməliyəm ki, bir çox hallarda ölkədə, misal üçün, hər hansı pozuntular baş verdikdə, qüsurlar olanda, yaxud da, hər hansı bir xoşagəlməz vəziyyət yarananda mən məlumatı, o cümlədən mətbuatdan əldə edirəm. Bu, mənim üçün də çox əhəmiyyətlidir. Çünki yəqin, siz də bilirsiniz ki, Prezidentin hadisələrlə bağlı bilavasitə mətbuata çıxışı yoxdur, vasitəçilər, köməkçilər, administrasiya işçiləri, digər mənbələr var. Ona görə, bəzi hallarda məlumat ya gecikir, ya gəlmir, ya da, o da sirr deyil ki, məlumatı gizlətmək istəyirlər. Ona görə, Azərbaycanda azad mətbuatın mövcudluğu mənim də işimi yüngülləşdirir. Administrasiyada, digər yerlərdə, digər strukturlarda işləyənlər bunu bilirlər ki, mən bəzi hallarda məlumatı onlardan tez əldə edirəm və dərhal reaksiya verirəm. Ən azı, bu, yoxlanılmalıdır, əgər həqiqətdirsə ölçü götürülməlidir. Ona görə, sizin işiniz mənim üçün də çox dəyərlidir, əhəmiyyətlidir və mən bunu yüksək qiymətləndirirəm…

 

…Ölkədə sosial ədalətsizlik halları var. Məmur özbaşınalığı halları, digər xoşagəlməz hallar - korrupsiya, rüşvətxorluq, insanların hüquqlarının pozulması halları var. Əlbəttə, biz bütün bunları bilməliyik və reaksiya verilməlidir. Əgər reaksiya verilməyəcəksə, o pozuntuları törədənlər daha da böyük pozuntular törədəcək. Ona görə, mətbuatın burada nadir rolu var. Mən bunu sizə çox səmimi şəkildə deyirəm və sizdən xahiş edirəm, bu sahədə öz fəaliyyətinizi gələcəkdə də davam etdirəsiniz ki, həm ictimaiyyət, həm o pozuntuları edən məmurlar bilsinlər ki, heç bir yanlış hərəkət reaksiyasız qalmayacaq.

Son vaxtlar Bakının hər hansı bir yerində əgər bir ağac kəsilirsə dərhal qəzetlərdə, internet saytlarında bu barədə məlumat gedir. Dərhal reaksiya verilir və ölçü götürülür. Digər sahələrdə də, həmçinin. Mən dəfələrlə həm iş adamlarına, həm, ümumiyyətlə, vətəndaşlara müraciət etmişəm ki, əgər hər hansı bir ədalətsizlik, qanun pozuntusu, özbaşınalıq baş verirsə, dərhal reaksiya verin. İndi bu reaksiyanı vermək üçün kifayət qədər imkanlar var. Azərbaycanda internet şəbəkəsi geniş yayılıb. Əhalinin 75 faizi internet istifadəçisidir. Biz indi hər bir yaşayış məntəqəsinə genişzolaqlı internetin çəkilişini təmin etməyə çalışırıq.

Ona görə, mən bir daha qeyd etmək istəyirəm ki, bu sahədə hələ görüləsi işlər çoxdur. Şəxsən mənim üçün mətbuat burada çox gözəl dəstəkçi rolunu oynayır. Əminəm ki, gələcəkdə biz bu əməkdaşlığı davam etdirəcəyik.

 

 Azəbaycan İlham Əliyevin qətiyyəti  və  böyük  liderlik qabiliyyəti  ilə  tarixin Azərbaycanın əleyhinə gedən təkərini dayandırdı.  Ermənilərin Azərbaycan ərazisinə  köçürülməyə başlandığı  iki  əsrdən  artıq müddətdə bunların qabağına  keçən  olmayıb.   Onlar da zaman-zaman  torpaqlarımızı  hissə-hissə   ələ keçiriblər.   Dünya "münaqişənin   güc yolu ilə həll variantı  yoxdur”  deyib, amirlik göstərmək istədisə də, ortaya əməli  heç nə qoya bilmədi. Azərbaycan Prezidenti İlham Əliyev  ölkəmizin işğaldan azad  edilməsini müharibə ilə deyil,   beynəlxalq hüququn imkanları ilə  həll etməyə çalışırdı. Amma  dünya  ikili standartlarından əl çəkmək istəmirdi. Ermənistan isə  bu ərkəsöyünlükdə   daha   yırtıcı iştahlara düşürdü.

 

2020-ci ilin 12 iyul tarixində günorta saatlarından başlayaraq Ermənistan Silahlı Qüvvələri Azərbaycan Dövlət Sərhəd Xidmətinin Tovuz rayonunda yerləşən mövqelərini artilleriya qurğularından atəşə tutdu. Bu, görünməmiş həyasızlıq və irtica idi.

Onda  Cənab  Ali Baş Komandan öz torpaqlarının    toxunulmazlığını, sərhədlərinin bütövlüyünü  bərpa etmək   üçün  beynəlxalq   qanunların verdiyi hüquqdan istifadə edərək əks -hücum əməliyyatlarına   qərar verdi. Sentyabrın 27-də başlayan  bu əməliyyatda Milli Ordumuz möhtəşəm qələbələr qazanaraq  44  gün ərzində Hərb tarixinə Qarabağ  Zəfəri səhifəsini  həkk etdi.

 Qarşıda    daha   məsuliyyətli, daha  gərgin vəzifələr durur. Ordumuzun müdafiə qabiliyyəti   hər an inkişaf  etdirilməli, sülhə böyük zəmanət yaradılmalı, dağıdılmış  rayonlarımıza yeni həyat gətirilməlidir.  Bunlarla yanaşı,  Bu zəfər uörunda  döyüşmüş, şəhid olmuş əsgər  və zabitlərimizə  bir  Ümumxalq  sevgisi  formalaşdırmalıyıq,   qalib  xalqı Prezidentimizin rəhbərliyi  altında bərpa-quruculuq işlərinə   cəlb etməliyik.

Ümid edirik və inanırıq ki, ideoloji cəbhədə qəzetlər və televiziya, həqiqətən, bizim qalalarımıza çevriləcək  və  bu amal uğrunda çarpışacaqdır. 

 

 

H.Heyne: “Biz amal uğrunda çarpışırıq, qəzetlər də bizim qalalarımızdır” – XIV yazı

                                      Son 

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz