Bu gün kütləvi informasiya vasitələrində  Şuşa qalasını  fəth edib   düşməni heyrətə salan Azərbaycan əsgərini,   müxtəlif dünya ölkələrində Azərbaycan adına hörmət, şöhrət qazandıran oğul və qızlarımızı, müəllim və həkimlərimizi, kitabxana və muzey işçilərimizi,  qarda yağışda, küləkdə  Bakının küçə və yollarını süpürən/təmizləyən sadə peşə adamlarını bu qədər təqdim etmirlər ki,  məşhur idmançıları, şou adamlarını, az qala onların  həyatındakı ən adi  təfərrüatları belə tirajlayırlar.

 "Karantin onları bu hallara saldı – Messiylə Ronaldo nə işlə məşğuldu?” adlı  bir yazıda 2  futbolçudan yazılıb.

Messi, Ronaldo göydən düşüb? Kimə lazımdır belə ayrı-seçkilik, fərqlilik?  Mətbuat  yazır ki, təqaüdçülərə şad xəbər:  bu ayın təqaüdləri artıq  bamkomatlara köçürülüb.  Ömrünün   əhəmiyyətli  bir hissəsini  neft sənayesində, tikintidə işləyib  yəqaüdə çıxmış bir  əmək adamı  təqaüdünün   bankomata köçürüldüyünə sevinir, amma Ronaldonun, Messinin, Vladislav İqnatyevin, Cenifer Lopezin, Rihanna, Şakiranın  belə sevincləri ömürlük təmin edilib,  həm də gecə-gündüz kütləvi informasiyalarda təqdir edir,  gənclərdə onlara həsəd yaradırlar. Artıq yavaş-yavaş  "ulduz " olmaq istəyənlərin iddiaları da  görünməkdədir. 

Mətbuat  40-50 il  istehsalatda can qoyub indi təqaüdə çıxmış yaşlı bir insanı  təqaüdünün   bankomata köçürüldüyü ilə sevindirir, amma Toliki, Zauru, Ədaləti   kiməsə  ev, maşın aldığına görə messenant kimi təqddim edir.

 Hər halda,  görünəni belədir ki,  cəmiyyətdə  bu qrup adamlarla sadə adamlar arasında maddi və mənəvi bərabərsizlik mövcuddur.

Məşhur idmançılar, sənət adamları, bu sıraya şou-biznesçiləri də aid etsək, bir kateqoriya şəxslər var ki, onlar bilirlər ki,   ağıllarına nə gəlsə edə bilərlər,istər  televiziyada, istərsə də həyatda. Sanki bunlara heç nə demək olmaz, bunlara heç bir  qadağa qoyulmamalı , qınaq edilməməlidir. Küsüb gedərlər: idmanımız,  ekranımız  Şamaxı batan kimi batar.

Vəziyyət o yerə gəlib çatıb ki, bunlar özlərini cəmiyyətin fövqündə hesab edirlər. Ronaldo  2009-cu ildə Ketrinə Mayorq  adlı kiməsə təcavüz edib və susması üçün  323 min avro ödəyib. Ketrin indi dilə gəlib və ardınca  daha bir neçə  aferist  də bu  iddia ilə məhkəməyə  müraciət etməkdədirlər. Hadisə olan  ərəfədə müraciət etsə idi, başa düşmək olardı. Üstündən illər keçib, indi yadına  düşüb?

İrina Şeykdir kimdir, 4-5 il Ronaldo ilə macəra həyatı yaşayıb, getmədiyi-gəzmədiyi ada, yarımada qalmayıb.İndi o da iddiaçılara qoşulub. Tək Ronaldo deyil beləsi. 

 "Başakşəhər”in futbolçusu Arda Turanla müğənni Berkay arasında qalmaqalın üstündən çox da vaxt keçməyib. 

Arda gecə klubunda Berkayın həyat yoldaşına sataşıb. Bundan sonra tərəflər arasında mübahisə düşüb və futbolçu kəllə ilə müğənninin burnunu qırıb. Bundan sonra Türkiyə millisinin üzvü xəstəxanaya gedərək, Berkayı silahla təhdid edib.

İndi Arda da elə danışır ki, guya bu insanlar  neyrodegenerativ xəstəlik daşıyıcılarıdır, yaddaşsızlıq problemi var və s.   Silahla gəzir,  vurub burnunu sındığı  adamın aparıldığı xəstəxanaya gedir, silahı özü ilə götürür.   Guya  silahı Berkaya veribmiş ki, inanmırsan, al vur. Guya silahı qoyduğu yerdən götürərkən  təsadüfən açılıb. Deməli, bu adam hələ silahdan istifadə qaydalarını bilmir, silah saxlamaq üçün soyuqqanlı deyil və sair. Nə üçün    hər kəs silah  saxlamaq üşün icazə ala biir: Nə üçün belələrinə silah verirlər? Belə hadisələri  mətbuat, televiziya məntiqlə, obyektiv olaraq  süzgəcdən keçirib cəmiyyətə təqdim etməyəndə onda  həmin toxunulmazlar da, elə bilirlər ki, televiziya tamaşaçıları, mətbuat oxucuları  nəvədirlər, bu da baba: onlara nağıl danışır.  

Məşhur müğənninin qızı amerikalı məşhur müğənni Maykl Ceksonun qızı Paris Cekson şəxsi həyatı ilə bağlı maraqlı açıqlamalar verib.

Yenisabah.az xəbər verir ki, sevgilisi Qabriel Qlennlə birlikdə "Facebook" yayımına qatılan 22 yaşlı Paris bir kişi ilə münasibətdə ola biləcəyini heç vaxt təsəvvür etmədiyini, lakin bunun başına gəldiyini vurğulayıb:

"Bir kişi ilə birlikdə yaşaya biləcəyimi düşünməmişdim. Həmişə qadınla evlənəcəyimi düşünürdüm. Kişilərdən daha çox qadınlarla sevgili oldum. İnsanların çoxu münasibətimi bilmir. Bir dəfə penisi olmayan adamla flört etmişdim. Şalvarınızın içində nə olduğu məni maraqlandırmır. Böyümə müddətində cinsəlliklə bağlı problemlər yaşadım. Qadın və kişiləri sadəcə televizorda yan-yana görürük"  (Mənbə: https://aqreqator.az/ru/medeniyyet/864809).

"Teleqraf.com”  yazıb ki, Günay İbrahimli qab yumaqdan bezib... Onun yaşı qədər bizim xanımlar qab-qacaq yuyur, paltar yuyur, evə-ailəyə baxır.  Amma  saytlar yapışıblar şou biznes adamlarından.  Bu boyda dünyada  bir  mövzu tapa bilmirsiniz? Nə olsun ki, şoudur, gedin bir kitabxanaçı xanımdan, bu çovğunda, yağışda, qarda Bakının küçələrini təmizləyən qadınların həyata baxışlarını gətirin mətbuata, televiziyaya. Məgər digər qızları Saranı aparan kimi sel aparıb? Şou nümayəndələrinin qızlarından başqa qız yoxdurmu?       

Digər bir  saytda  yazılıb:"İlqarə Kazımova elə arıqladı ki... - FOTO"  və yaxud  "Aygün Kazımovanın qızı çimərliklə bağlı mahnı hazırladı"

" Bəyəm bunlar informasiya hesab olunur?  Sizin işiniz-gücünüz yoxdur, əliinizdən başqa iş də gəlmir. Bəs  bu kimi  məsələlərə cavabdeh olanlar üçün  iş yaradırsınız, onlar  niyə  bekar  dayanırlar, işləsinlər də.

Biri deyir ki, anamdan başqa heç kimə inanmıram. Günelin qızı anası haqqında bunları dedi.  Məşhur türk müğənnisi İbrahim Tatlısesin müğənni qızını danışdırırlar, zorla atasının əleyhinə ifadə alırlar: "Aparıcının "İ.Tatlısəsə nifrət etdiyin olubmu?” sualına D.Çıtak "Bəli” cavabını verib”.

 Halbuki,  Türk Cumhuriyyətinin Anayasasının 38-ci maddəsində  müəyyən olunmuşdur ki, "Heç kəs özünü və qanunda göstərilən yaxınlarını təqsirləndirən ifadə verməyə və ya bu yolda dəlil göstərməyə məcbur edilə bilməz". Amma şou televiziyası edir, mətbuat da istinad  edib paylaşır.

Xəbər  naminə, reytinq naminə  ora mütləq qadınla bağlı, kriminalla bağlı, şou həyatı ilə bağlı mövzu tapıb sahəni doldurmaq , sadəcə, informasiyaçılıqdan  başqa  bir şey deyil. Kimə lazımdır belə boş-boş şeylər. Mətbu vasitədə informasiyadan daha çox sağlam ideoloji tərəfə üstünlük verilməlidir.  

Son dövrlərin  ailə statistikası heç də ürəkaçan deyil. Pozulan nikahlar getdikcə artmaqdadır və  bu dağılan tifaqlar yeni ailə quranlar arasında daha çoxdur.

Ölkə başçısı KİVDF-də, Televiziya Şurasında ümidverici dəyişikliklər etdi.  İlk addımlar belə təəssürüt yaradır. Amma Mətbuat şurasında da bütün heyət yenilənməlidir.

Bəzi dostlar mənə yazır, görüşəndə deyirlər ki, bunlara vaxt ayırma, özünü yorma, əsəbiləşmə. Onda gərək mən sivilizasiyanın elə zamanına və məkanına qayıdam ki, orada radio da olmaya, insanlar da savadsız ola, oxumaq-yazmaq bilməyələr.  İndiki informasiya əsrində mütləq yenilənməlisən,  gündə təzə nəsə öyrənməlisən, fəqət,  internetə girmək olmur(kiçik istisnalarla). Ənənəvi mətbuatı bu gün  müəyyən vəzifəsi olan şəxslər formal olaraq  əllərinə götürürlər, idarələri abunə yazılır. 

İndi  internet media işləkliyinə görə daha aktivdir. Əksəriyyət bura axışır, burada yazılanların isə 70-80 faizi maraqsız, heç bir ictimai-sosial  məzmun kəsb etməyən  dedi-qodular, bazar söhbətləri. Ən azından  balansa görə desək, lazımsız mövular tərbiyəvi-əxlaq mövzulardan daha çoxdur.

Bir çox  sosial şəbəkələr  karantin  günlərində "Futbolçular karantində nə edir?”, "Karantin rejimində qalan tanınmışlar”   kimi  hədəfi,  məqsədi  olmayan yazılar   da az olmadı.

Guya belə qadağaları fərqli-fərqli insan kateqoriyaları fərqli-fərqli qarşılamalı imişlər?  Guya müəllimin, muzey işçisinin, illərdir səhər-axşam Bakının prospektlərini süpürən Çimnaz xalanın   karantini necə keçirməsi, necə yaşaması   cəmiyyətin heç gərəyinə deyilmiş. Guya biz evdə xanımımıza dəstək olmuruq? Bunların təmin olmuş həyatlarını, macəralı  həyatını  əks etdirən görüntüləri deyil,  idmançıdırsa,  təlim-məşq görüntülərini, sənət adamıdırsa,    məsələn    heykəl üzərində neçə işləyir, böyük bir xalını necə toxuyur və s.

Van Dam haqqında filmlərdə bu məşhur idmançının dağda, meşədə, suyun altında ən çətin , ən əziyyətli təmrinlər üzrə məşqlərini də izləmişik.

 Amma   bizim     elektron mətbuatda və sosial şəbəkələrdə də Azərbaycan   idmanına   gətirilmiş xarici "idmançı”ların  özlərinə oxşayan   bir gözəlçə iləmacəra həyatlarını əks  etdirən  şəkilləri  paylaşılır.

Bir çox saytlarda   Xalq artist Tünzaləyə istinadən    "Yıxılmağım bədbəxt qisimləri sevindiribsə...”  yazı  tirajlanıb.  "Sosium.az” da  Natavan onun haqqında yalan danışanları hədələyir və s.... Afaq, Tolik icra başçılarından danışır.  Belə aparıcılaar  efirə bazara döndərirlər, kim  istəyir dəvət olunur, kim nə istəyir, necə istəyir qoruq-qadağa yoxdur, deyir.

Nəinki  Vətən müharibəsi getdiyi dönəmlərdə, lap adi   günlərdə də    ictimai məzmunu olmayan  heç bir yazı, heç bir xəbər   cəmiyyətə tirajlanmamalıdır. Hesab edirsinizsə ki, sizin nüfuzunuza toxunublar, buyurun, məhkəmə var, müraciət edin. Xalq artisti belə danışarmı?Nə deməkdir "bir qisim "?

Cəmiyyətin ideoloji-mənəvi tərbiyə qayğıları etibar edilən ədəbiyyat və sənət adamlarının, qələm adamlarının  belə hərəkətlərindən  Mədəniyyət nazirliyi, Bəstəkarlar İttifaqı, Televiziya və Mətbuat şuraları narahat olmalıdırlar.  Bu  nədir,   televiziyada , mətbuatda ağıllarına gələni danışanlar,  cəmiyyətin qınaqla  qarşıladığı  davranışları nümayiş etdirənlər fəxri ad davası edir.  Belələrinin hər biri kiməsə arxalanır... Yerlərdə bu nizamı görən adi adamlar, uşaqlar, gənclər elə bu qarşıqlıqda, nizamsızlıqda formalaşır, onlar da etdikləri heç nəyə görə məsuliyyət hiss etmirlər. Bu gün ekranlarda , mətbuatda olan sənətçilərin, model və aktrisaların 70-80 faizinin cəmiyyət üçün müsbət mənada təsir edə biləcəyi sənəti yoxdur. Pərəstişkarları var?  Buyursunlar mədəniyyət saraylarına, klublar var, orada toplaşsınlar, oxusunlar, nə qədər istəyirlər, hansı diringiləri istəyirlər dinləsinlər. Ekranda "Üzüyümün qaşı firuzədəndir" ruhlu mahnılar səsləndirilsin, belə ifaçıları görmək istəyir cəmiyyət. Avropa dəyərləri adı ilə hara aparırlar bu xalqı...?

 Davamı var...