» » Bu gün Milli Elmlər Akademiyasının həqiqi üzvü Nərgiz Paşayevanın doğum günüdür

Bu gün Milli Elmlər Akademiyasının həqiqi üzvü Nərgiz Paşayevanın doğum günüdür

Müəllif: Dəyanət от 13-12-2017, 00:20

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

Bu gün AMEA-nın həqiqi üzvü , filologiya elmləri doktoru, professor, Lomonosov adına Moskva Dövlət Universitetinin Bakı filialının rektoru, İngiltərə-Azərbaycan Cəmiyyətinin həmsədri, Oksford Universitetinin Nizami Gəncəvi adına Azərbaycan və Qafqazşünaslıq Elmi Mərkəzinin Azərbaycan tərəfdən rəhbəri Nərgiz Arif qızı Paşayevanın doğum günüdür.
Nərgiz Paşayeva 13 dekabr 1962-ci ildə Bakı şəhərində anadan olmuşdur.
Akademik Arif Paşayev və  professor Aida İmanquliyevanın qızıdır.

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

1968-1978-ci illərdə Bülbül adına orta ixtisas musiqi məktəbində təhsil almışdır.
1978-ci ildə BDU-nun Filologiya fakültəsinin əyani şöbəsinə daxil olmuş və 1983-cü ildə həmin fakültəni fərqlənmə diplomu ilə bitirmişdir.
1983-cü ildə əyani aspiranturaya qəbul olmuş və "Sabirin novatorluğu" adlı dissertasiya işini vaxtından əvvəl tamamlamış və müvəffəqiyyətlə müdafiə etmişdir.
23 sentyabr 1987-ci ildə filologiya elmləri namizədi alimlik dərəcəsi almışdır.
1987-ci ilin mart ayından Bakı Dövlət Universitetinin Filologiya fakültəsinin "Azərbaycan ədəbiyyatı tarixi" kafedrasında assistent, müəllim, baş müəllim, dosent vəzifələrində, 1994-2008-ci illərdə isə Bakı Musiqi Akademiyasının "Dil və ədəbiyyat" kafedrasının müdiri vəzifəsində çalışmışdır.
2004-cü ildə "Müasir Azərbaycan ədəbiyyatında insanın bədii-estetik dərki (xalq yazıçısı Elçinin yaradıcılığı əsasında)" adlı doktorluq dissertasiyası işini müvəffəqiyyətlə müdafiə etmişdir.
11 fevral 2005-ci ildə filologiya elmləri doktoru alimlik dərəcəsinə, 30 mart 2005-ci ildə isə professor elmi adına layiq görülmüşdür.
2006-2008-ci illərdə Bakı Dövlət Universitetində Beynəlxalq əlaqələr üzrə prorektor vəzifəsində işləmişdir.
2006-cı ildən BDU-nun nəzdində fəaliyyət göstərən filologiya elmləri doktoru və fəlsəfə doktoru dissertasiyalarının müdafiəsini keçirən D.02.181 Dissertasiya Şurasının sədridir.
23 iyun 2008-ci ildə M.V.Lomonosov adına Moskva Dövlət Universitetinin Bakı filialına rektor təyin olunmuşdur.
2009-cu ilin oktyabr ayından Bakı Dövlət Universitetinin "Klassik Azərbaycan ədəbiyyatı" kafedrasının müdiridir.
30 iyun 2014-cü ildə AMEA-nın müxbir üzvü seçilmişdir.
2 may 2017-ci ildə AMEA-nın həqiqi üzvü seçilmişdir.
 

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

Mükafatları :

1.18 noyabr 2008-ci ildə Rusiya Federasiyası Xarici İşlər Nazirliyinin Rusiya Beynəlxalq elmi və mədəni əməkdaşlıq Mərkəzi tərəfindən Rusiya–Azərbaycan dostluq və əməkdaşlıq münasibətlərində göstərdiyi xidmətlərə görə "Dostluqda göstərdiyi xidmətlərə görə" nişanı ilə təltif olunmuşdur (18 noyabr 2008-ci il, vəsiqə № 1213).
2. Azərbaycan Respublikası Prezidentinin 30 avqust 2009-cu il tarixli Sərəncamı ilə Azərbaycan elminin inkişafında göstərdiyi xidmətlərə görə Əməkdar elm xadimi fəxri adına layiq görülmüşdür.
3. Rusiya Federasiyasının Prezidenti D. Medvedevin 20 aprel 2011-ci il tarixli 483 saylı Sərəncamına əsasən Rusiya–Azərbaycan mədəni əlaqələrinin inkişafında və xaricdə rus incəsənətinin təbliğində göstərdiyi xidmətlərə görə Rusiya Federasiyasının ali dövlət mükafatı ilə – "Dostluq" ordeni ilə təltif edilmişdir.
20 iyun 2011-ci ildə Rusiya Federasiyasının Prezidenti D.Medvedev Prezidentin Moskva yaxınlığındakı "Qorki" iqamətgahının Mavi zalında xüsusi xidmətlərinə görə əcnəbi vətəndaşlara ali dövlət mükafatlarının təqdim edilməsinə həsr olunmuş təntənəli mərasimdə "Dostluq" ordenini şəxsən təqdim etmişdir.
4. Mədəniyyət sahəsində göstərdiyi xidmətlərə görə 2011-ci ilin aprel ayında YUNESKO-nun "Mədəniyyətlərin müxtəlifliyinə görə" medalı ilə təltif olunmuşdur.
1.Rusiya və Azərbaycanın strateji tərəfdaşlığında humanitar tərkib hissənin möhkəmlənməsinə şəxsi töhfələrinə görə Rusiya Federasiyasının Prezidenti D. Medvedevin Sərəncamı ilə "Dostluq" ordeni ilə təltif edilmişdir. Mükafatı 04 aprel 2012-ci ildə Bakıda rəsmi səfərdə olan Rusiya Federasiyasının Xarici işlər naziri S. Lavrov MDU-nun Bakı filialında şəxsən özü təqdim etmişdir.
2. Macarıstanın Prezidenti Pal Şmidtin 11 mart 2012-ci tarixli Sərəncamı ilə professor Nərgiz Paşayeva 30 aprel 2012-ci ildə Macarıstanın dövlət mükafatı ilə – "Xidmətlərə görə" Komandor xaç ordeni ilə təltif edilmişdir. "ÜNS" yaradıcılıq səhnəsində keçirilən təqdimat mərasimində ali dövlət mükafatını Macarıstanın Azərbaycandakı səfiri Jolt Çutoro təqdim etmişdir.
3. 2012-ci ildə "Ticarət, kommersiya və sənaye Avropa iqtisadi palatası"nın ("European Chamber of Trade, Commerce and İsndustry – EEİG") Qızıl ordeni ilə təltif olunmuşdur.
4. Azərbaycan və Fransa əməkdaşlığının inkişafında göstərdiyi aramsız fəaliyyətinə görə 2013-cü ildə zabit dərəcəli "Akademik Palma" fransız ordeni ilə təltif olunmuşdur. Bu yüksək mükafatı Fransanın Azərbaycandakı səfiri Paskal Monye təqdim etmişdir.
5. 26 yanvar 2015-ci ildə Moskva Dövlət Universitetinin fəxri professoru diplomuna layiq görülüb.
6. 19 aprel 2017-ci ildə müstəqillik illərində Azərbaycanda elm və təhsil sahəsində həyata keçirilmiş mühüm beynəlxalq layihə olan Oksford Universitetində Nizami Gəncəvi adına Azərbaycan və Qafqazşünaslıq Elmi Mərkəzinin yaradılması və səmərəli fəaliyyətinin təmin edilməsindəki müstəsna xidmətlərinə görə Azərbaycan Milli Elmlər Akademiyasının Nizami Gəncəvi adına Qızıl medalına layiq görülmüşdür

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

 

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

 

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

 

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

 

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

 

Bu gün  Milli Elmlər Akademiyasının həqiqi üzvü  Nərgiz Paşayevanın doğum günüdür

Hörmətli qonaq, Şərh yazmaq üçün zəhmət olmasa hesaba daxil olun ya da Qeydiyyatdan keçin.

Şərhlər:

Şərh Yaz
SitatCavab
  • Qurup: Təsisçi
  • Qeydiyyat: 12.09.2016
  • Status: offline
  • Şərhləri: 72
  • Məqalələri: 967
^
Axşam “Ana və Uşaq” jurnalında (onlayn) Nərgiz xanımın doğum günü münasibəti ilə yazı hazırlayanda istədim elə xalqın onu Təhsil naziri görmək arzularını da dilə gətirib təbrik edim.
Nərgiz xanımın Azərbaycançılıq ideyalarının yayılmasında xidmətləri hamımıza məlumdur. Oksford Universitetinin Nizami Gəncəvi adına Azərbaycan və Qafqazşünaslıq Elmi Mərkəzinin Azərbaycan tərəfindən rəhbəri kimi Avropa məkanında gördüyü işləri hamımız mətbuatdan, informasiya kanallarından izləyirik. Bu tükənməz enerjiyə, böyük arzulara Azərbaycan naminə, Azərbaycan təhsili naminə etimad göstərilməsini, əlbəttə, ürəkdən alqışlayacağam.
Doğum gününüz mübarək!
  • Нравится
  • 0